加拿大海膽炸蠔漢堡 ($118)
-
記得同一舖位之前都係間漢堡店，
食過一次當時都有po過覺得好一般🤣
近年取而代之開咗NOMAD BURGER，
同樣主打外賣漢堡但質素比起上手優勝，
由麵包以至於肉類同醬汁全都可以自由配搭，
仲提供全素或生酮麵包滿足唔同客人需要，
單係呢點已經覺得誠意十足，
而且不時會推出期間限定嘅漢堡極之吸引(๓´͈ ˘ `͈๓)o̴̶̷᷄
呢款加拿大海膽炸蠔漢堡本來都係期間限定，
但由於反應熱烈所以已經成為常駐款式🤤
牛油麵包質感鬆軟但牛油香氣唔重，
羽衣甘藍令底層麵包都保持乾爽；
三隻炸蠔肉身飽滿多汁，
除咗海膽蛋黃醬之外仲真材實料加入海膽刺身，
海膽甘香濃郁同炸蠔兩者並駕齊驅洋溢鮮甜🦪
漢堡加配三重松露薯條($38)同汽水只係$28，
據稱用上黑松露醬、白松露油同松露粉，
畢竟係外賣所以薯條未算相當香脆亦無可厚非，
但本身炸得乾爽唔會過分油膩，
一打開盒已經陣陣松露香氣撲鼻而來，
而松露蛋黃醬質感濃稠並充滿馥郁菇菌香，
略帶微酸更加清爽🍟
.
————————————————————
📍NOMAD BURGER (紅磡)
紅磡德民街29號德民大廈地下F3號舖
[大圍另有分店]
————————————————————
.
.
Search